O que estou a dicir cando digo «Altri non».

A portuguesa Altri e Greenalia, relacionada co máis florido da oligarquía coruñesa, intentan construír en Palas de Rei a maior fábrica de celulosa soluble de Europa, desatando un rexeitamento social sen precedentes polo seu impacto na Ulloa e Galiza. Científicos e expertos alertan dos riscos para a economía, saúde e medio ambiente, pero aínda ninguén  analizou a fondo a indignación popular que provoca esta aberración. Xosé de Cea, escritor con raíces palenses, analiza este despropósito, tecendo reflexións e actitudes para o combate colectivo.»